Pas përfundimit të seancës ndaj autorit të dyshuarit të sulmit në Devoll, David Myrte, ka reaguar avokati dhe vëllai i tij. Gjykata e Korçës vendosi të lërë në burg Myrten, vendim për të cilin avokati Nevzat Tarelli shprehet se akuza është mbështetur tek identifikimi i njërit prej të dmëtuarve.
“Akuza është mbeshtetur tek identifikimi i njërit prej të dëmtuarve, i cili është shprehur pas ngjarjes e cila ka mdodhur kur ka qenë erresirë. David Myrte ka vëlla binjak me të cilin është identik. Dëshmia bazohet tek një fragment ku dëshmitari thote se ka parë nje xhup blu por si mund të dallohet kjo gjë në errësirë të plotë. Myrte ka thënë se policia është në pistë të gabuar. Ai ka një alibi pasi prej ores 17.00 deri në 23.00 ai ka qenë me vëllain e tij dhe shokët në fshat. Kjo gjë mund të dëshmohet. Gjithashtu dëshmitari thotë se e kanë marrë në telefon disa persona me dialekt verior çka është një tjetër fakt që hedh poshtë akuzat. Për mua e vetmja e vetmja provë mbi të cilën mbështetet prokuroria akuzën është paraqitja për njohje.”, mësohet të jetë shprehur avokati.
Të njëjtin qëndrim ka mbajtur edhe vëllai i David Myrtes, i cili shprehet se kanë qenë bashkë gjatë kohës që ka ndodhur sulmi. Ai ka deklaruar se i vëllai ka qenë i dënuar më parë, por nuk ka lidhje me këtë ngjarje.
“Kemi qenë bashkë. Erdhi ambulanca në fshat dhe ne dolëm nga lokali por nuk e arritëm dot dhe në ishim bashke me 7-8 persona te tjere. Mua me mori policia dhe dhashe deshmine time por shoket qe ishin me ne policia refuzoi ti marre ne pyetje. Personat nuk i njihnim. Vellai im ka qene njehere i denuar me 2.5 vite burg ne greqi por nuk ka lidhje me kete ceshtje. Policia ka gabuar dhe eshte ndikuar nga fakti se ai kishte nje precedent.
(XH.A/SHUPLAKA)
Discussion about this post