Në fakt edhe pse thirrjet për tu bërë pjesë në institucionet e Vettingut janë bërë të shpeshta interesi i qytetarëve ka qenë i pakët. Sërish sot zyra e Avokatit të Popullit ka bërë thirrje për aplikime në vendet vakante.
Duhet thënë se Reforma në Drejtësi është e vonuar me hapat e saj pasi ligjërisht këto Komisione tashmë duhet të ishin ngritur.
THIRRJE PËR PLOTËSIM TË DOKUMENTACIONIT PËR KANDIDATËT QË NUK KANË PËRMBUSHUR KRITERET FORMALE PËR SHKAK TË MUNGESËS SË DOKUMENTACIONIT TË KËRKUAR LIGJOR, PËR POZICIONET E ANËTARËVE TË INSTITUCIONEVE TË RIVLERËSIMIT KALIMTAR TË GJYQTARËVE DHE PROKURORËVE NË REPUBLIKËN E SHQIPËRISË
Avokati i Popullit, në zbatim të pikave 1 dhe 2 të Vendimit nr.18/2017 të Kuvendit të Shqipërisë, “ Për kthimin e dosjeve të kandidatëve që kanë shprehur interesin për të kandiduar për institucionet e Rivlerësimit tek Avokati i Popullit për riplotësim të dokumentacionit”, të nenit 71 të Kodit të Procedurave Administrative, si dhe neneve 6 dhe 7 të ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë” shpall thirrjen për kandidatët që nuk kanë përmbushur kriteret formale, të paraqesin plotësimin e dokumentacionit të kërkuar ligjor për pozicionet e anëtarëve të institucioneve të rivlerësimit kalimtar të gjyqtarëve dhe prokurorëve në Republikën e Shqipërisë.
Të gjithë kandidatët aplikante për institucionet e rivlerësimit kalimtar të gjyqtarëve dhe prokurorëve, që nuk kanë përmbushur kriteret formale për shkak të mungesës së dokumentacionit përkatës, ftohen të plotësojnë këtë dokumentacion brenda një afati 7 ditor, duke filluar nga data 20.03.2017 deri në datë 27.03.2017, sipas njoftimit përkatës publik të institucionit të Avokatit të Popullit.
Kandidatët aplikantë duhet të dorëzojnë dokumentacionin plotësues në një prej formave si më poshtë:
1- Paraqitjes së kandidatëve pranë institucionit të Avokatit të Popullit në adresën: Bulevardi “Zhan D’Ark”, nr. 2, Tiranë zyra e protokollit, brenda datës 27.03.2017 ora: 08:30-20:30.
2- Plotësimin e dokumentacionit dërguar me postë zyrtare në adresën: Bul. “Zhan D’Ark”, nr. 2, Tiranë. Aplikimi në rrugë postare duhet të kryhet brenda afateve ligjore të aplikimit dhe duhet të vërtetohet me fletë-mandatin e lëshuar nga institucioni përkatës postar brenda datës 27.03.2017.
3- Plotësim dokumentacioni përmes postës elektronike në adresën: [email protected] brenda datës 27.03.2017 ora 23:59. (E.K/SHUPLAKA)
Discussion about this post