Kryetari i Dhomës së Avokatisë Maks Haxhia sqaron se cilët janë prokurorët dhe gjyqtarët e përjashtuar nga vetting që do të mund të punojnë si avokatë. Haxhia thotë se drejtësia e re po vonon, teksa kërkon që Prokurorja e Përgjithshme e Përkohshme Arta Marku të monitorohet pasi sipas tij është e kontrolluar.
Gjyqtarët e prokurorët e korruptuar që nuk kalojnë ligjin e vettingut nuk do të mund të punojnë si avokatë. Kryetari i Dhomës Kombëtare të Avokatisë Maks Haxhia në një intervistë për Fax News sqaron se gjyqtarët e prokurorët që përjashtohen për integritet profesional do të rishqyrtohen.
Teksa ngre alarmin se Reforma në Drejtësi po vonohet, Haxhia shpreh një rezervë për Operacionin Ndërkombetar të Monitorimit (ONM).
Per shkak te kompetencave te limituara avokati i Saimir Tahirit deklaron se Prokurorja e Përgjithshme e Përkohshme është e kontrolluar, madje ai thotë se Arta Marku duhet të monitorohet.
Për Maks Haxhinë kërkesa për arrestimin e Tahirit ishte veprim i nxituar, më heret duhej të përmbyllej gjithë procesi hetimor.
Discussion about this post