Avramolupos-Xhafaj: Do të bëjmë hapa të rëndësishëm në çështjet e luftës ndaj krimit të organizuar dhe në integrimin e shqiptarëve.

Ministri i Brendshëm Fatmir Xhafaj ka zhvilluar një takim me Komisionerin për Migrimin, Punët e Brendshme dhe Shtetësinë, Dimitris Avramolupos. Takimi u bë në Bruksel.

Komisioneri Avramolupos përgëzoi Ministrinë e Brendshme për rezultatet e arritura deri tani në luftën kundër drogës. Gjithashtu i uroi dhe për menaxhimin e integruar të kufijve me synim frenimin e migracionit të parregullt dhe azilkërkimit të paligjshëm, luftën kundër krimit të organizuar.

Sipas komisionerit ky standard duhet të vijojë edhe në të ardhmen.

“Shqipëria është një faktor i rëndësishëm stabiliteti për mbarë rajonin. Një fqinj i mirë i vendit nga i cili unë vij dhe, në të ardhmen, anëtar i familjes europiane.

Zhvillova një takim me Ministrin e Brendshëm të Shqipërisë. Biseduam mbi të gjitha çështjet e lidhura me perspektivën europiane të Shqipërisë.”- u shpreh komisioneri.

Më tej Komisioneri për Migrimin, Punët e Brendshme dhe Shtetësinë i uroi sërish mirëseardhjen ministrit Xhafaj dhe dhe I premtoi mbërshtjete dhe përkrahje të plotë për Shqipërinë.

“Ndodhemi sot këtu për të punuar së bashku, në mënyrë që të kapërcejmë të gjitha çështjet dhe kërkesat që kërkohen për t’i hapur Shqipërisë dyert drejt Bashkimit Europian. Dhe ne jemi shumë të angazhuar të rrisim dhe thellojmë bashkëpunimin tonë, në mënyrë që të arrijmë këtë moment. Ndaj sërish ju uroj mirëseardhjen, Z. Ministër! Jam i sigurt se do të kemi një bashkëpunim të shkëlqyer në të ardhmen në të gjitha nivelet.

Unë do të vijoj të mbështes dhe të jem krah Shqipërisë në rrugëtimin e saj drejt Bashkimit Europian.
Mirë se vini!”- përfundoi Avramolupos.

Ministri I Brendshëm Fatmir Xhafaj u ashpreh se Komisioneri Avramolupos është një mik i Shqipërisë dhe I ka mbështetur gjithmonë ata.

“Ishte një kënaqësi e veçantë takimi me Komisionerin Avramolupos, sepse para së gjithash takova një mik shumë të mirë të Shqipërisë. Ai ka dhënë një mbështetje të jashtëzakonshme për shqiptarët në çështjet e integrimit të tyre. Unë shpresoj dhe besoj që nën kujdesin e tij, me mbështetjen e tij, ne do të bëjmë hapa të rëndësishëm që kanë të bëjnë me çështjet e luftës ndaj krimit të organizuar, trajtimit të çështjeve të emigracionit të paligjshëm dhe një sërë çështjesh të tjera që na preokupojnë në rrugën tonë në integrimin në Bashkimin Europian.”- u shpreh Xhafaj.