“Avukati i Popullit” dhe “avokati për popullin”, Artan Fuga shpjegon pse opozita ka treguar se do të jetë humbëse në zgjedhje

Përveç ministrave teknikë, zëvendëskryeministres, kreut të KQZ-së dhe disa drejtorive, me marrëveshje mes PD-së dhe PS-së u vendos edhe kanditatura e Avokatit të Popullit.

Opozita dha propozimin e saj, Erinda Ballanca , e cila mori dhe votat në Kuvend. Kështu pas zgjedhjes së saj, çdo garë për kreun e këtij institucioni mbetet në letër.

Për këtë ka reaguar sot dhe akademiku Artan Fuga, i cili shprehet se lënia e avokatit të popullit opozitës a mos nënkupton qëopozita do të jetë në opozitë dhe pas zgjedhjeve.

SHKRIMI I ARTAN FUGËS:

Përcaktimi i marrëveshjes se opozita propozon avokatin e popullit, tani një muaj përpara zgjedhjeve, mos do të thotë që qysh para zgjedhjeve dihet se ajo do të jetë jo fituese, pra do të lihet opozitë edhe pas zgjedhjeve???

Nuk e besoj se kjo vendoset përveçse me votë, por simbolika logjikisht këtë mesazh merr!

Këtë ka pranuar opozita kur ka marrë përsipër të propozojë “Avokatin e Popullit”.

Opozita mund t’ja linte shoqërisë civile ose një votimi nga 500 personalitete të njohura përcaktimin e “Avokatit të Popullit”.

Pse ka rënë në këto pozita opozita ???

Kjo është mbrojtja për qytetarin???

Do bëjmë republikë të re, de more de, apo jo?

Se mos na kujtoni naivë ne !!!

“Avokat i Popullit” dhe “avokat për popullin” janë dy gjëra krejt të ndryshme.

“Avokati i Popullit” nuk mund të jetë “avokat për popullin” sepse është institucion i klasës politike që emëron “Avokatin e Popullit” ndërkohë që “Avokati i Popullit” emërohet pikërisht nga politika dhe nga kompromise midis politikës dhe shtetit, që në fakt përbëjnë faktorin themelor që e dëmton popullin dhe që “Avokati i Popullit” prej tyre do të duhej ta mbronte popullin e shkretë.

Se të mbrosh popullin nga padrejtësitë nuk është thjesht të mbrosh një grusht romësh buzë lumiT që sigurisht edhe ata kanë nevojë për mbrojtje!

Edhe romët, homoseksualët,janë popull, sigurisht, me të gjitha të drejtat e duhura, por jo i gjithë populli megjithatë është lejsbik, rom, etj.

“Avokatin e Popullit” e emërojnë ato qendra ndaj dhe kundër të cilave “avokati i popullit” duhej të përballonte e të luftonte që të mbronte popullin.

Pika neeeee! – thuaj. (E.K/SHUPLAKA)