Detaje të tjera kanë dalë lidhur me protestën e opozitës së 16 marsit. Jorida Tabaku ka folur sot dhe ka treguar detaje të reja nga protesta e cila njoftohet se do të filloj në orën 11 dhe nuk do të ketë një orar të caktuar për të mbaruar.
“Protesta do nisi në 11 dhe do mbarojë kur të shikohet e arsyeshme se mbaron. Nuk do jetë 1 orë ose dy orë, nuk do ketë fjalime”.
Nga ana tjetër në këtë protestë, ndryshe nga protestat e mëparshme asnjë deputet nuk do të marrë të drejtën e fajlës.
Sipas Jorida Tabakut në 16 Mars do të protestohet me forcën e numrave.
“PD nuk merr me forcë asgjë, PD vjen në pushtet me zgjedhje të lira dhe të ndershme. Nuk di se çdo ndodhë me njerëzit e irrituar. Ne protestojmë me forcën e numrave. Ne nuk do bëjmë kurrë asgjë, nëse kordoni i policisë hapet vetë dhe njerëzit e irrituar mund të kenë ballafaqim momental është jashtë kontrollit të çdokujt”.
Ajo theksoi ndër të tjera se PD nuk do të sjellë asgjë që nuk është sjellë në të shkuarën, duke i dhënë kështu shtysë zërave së ndoshta Partia Demokratike mund të ngre sërish një çadër.
Ndërkohë që pjesa ballore e Kryeministrisë tashmë është izoluar për t’u ruajtur kështu nga protestuesit.
Discussion about this post