Vlora ka qenë në çdo fund Nëntori kryeqytet i dytë i Shqiptarëve. Në qytetin e Flamurit nuk mund të mos mungojë vëmendja, festimet, përkujtimi i një dite historike si Pavarësia e vendit. Në këtë 104 vjetor të Pavarësisë Bashkia e Vlorës ka njoftuar disa aktivitete që do të nisin nga ora 10 në qendër të qytetit.
Parashikohen të mbahen dy koncerte një nga ‘’Ansambli Kombëtar i Këngëve dhe Valleve Popullore’’, dhe një tjetër me disa nga këngëtarët e rinj të tregut të muzikës së lehtë. Duket se festimet janë të ndara edhe sipas grupmoshave ku çdo kategori e qytetarëve vlonjatë dhe jo vetëm të gjejnë veten.
Kryebashkiaku Leli ka postuar edhe foto të Varrit Monumental të Ismail Qemalit i cili është vendosur në qendër të qytetit të Vlorës.
