Azdren Llullaku nuk ndalet së shënuari, duke konfirmuar edhe një herë se ky është sezoni i tij. Futbollisti i Kombëtares shqiptare i ka shtuar repertorit të vet edhe dy gola të tjerë sot në fitoren e Gaz Metanit 4-0 përballë Dinamos së Bukureshtit në shtëpi.
28-vjeçari hapi serinë e golave me një penallti të fituar vetë në minutën e 31-të dhe mbylli llogaritë po nga pika e bardhë, duke shndërruar në gol një tjetër 11-metërsh të fituar po vetë pak para vërshëllimës së fundit të gjyqtarit.
Me dopietën e sotme lojtari nga Istogu e çon në 16 numrin e golave në 19 ndeshje në Ligën e Parë rumune këtë sezon.
Falë golave dhe asisteve të Llullakut, Gaz Metani është në garë për titullin kampion. Pas 19 javësh, ai renditet i treti, vetëm 3 pikë pas Steaua Bukureshtit.
Discussion about this post