Kukësi do të përballet ditën e nesërme ndaj Qarabagut, në kuadër të turit të dytë eliminator të Champions League. Ndeshja do të luhet në Baku, por mesa duket po shoqërohet me probleme për verilindorët ende pa nisur.
Edhe pse skuadra e Kukësit ka udhëtuar me dy grupe drejt Azerbajxhanit duke qenë se nuk janë gjetur bileta të mjaftueshme dhe kanë qëndruar disa orë tranzit në Turqi. Por Kukësi ka marrë njoftimin se lojtarët me pasaportë nga Kosova nuk mund të fluturojnë atje, duke qenë se azerët nuk e njohin pavarsinë e Kosovës.
Duhet thënë se në klubin verilindor ka tre kosovarë: Besar Musolli, Donjet Shkodra dhe Faton Maloku. Ky i fundit ka mbetur në Shqipëri, pasi ka vetëm një pasaportë kosovare dhe për pasojë nuk mund të udhëtojë askund.
Musolli ka dhe një pasaportë shqiptare, të cilën e pat përfituar në debutimin e Kukësit në Eurupë. As Donjet Shkodra nuk kanë pasur probleme, duke qenë se ai gëzon një pasaportë belge dhe shteti azer nuk mund t’ia ndalojë hyrjen me pretekst prejardhjen.
Discussion about this post