Kryeministri Edi Rama nën petkun e ‘Babagjyshit’ këtë fundvit u shfaq në emisionin e “E diela shqiptare” ku i dhuroi një makinë një fëmije.
Leo, 9-vjeç e kishte të pamundur të shkonte në shkollë pasi nuk mund të ecte. Kryeministri nuk harroi ta postonte ngjarjen në Facebook-un e tij, ku shkruan:
“Mirëmëngjesi dhe me këtë moment të ditës së saponisur, duke përcjellë në shkollë Leon e vogël me makinën që i kërkoi Babagjyshit në letrën e tij, ju uroj të gjithëve një javë të mbarë”.
Dëshirat e Leos u plotësuan në 31 dhjetor ku Kryeministri u bë edhe Babagjysh.
Pas postimit ndjekësit e Kryeministrit kanë vërshuar në komente. Shumë prej tyre i kujtojnë Ramës rastet e fëmijëve që nuk shkojnë dot në shkollë për shkak të mungesës së infrastrukturës. (F.G/Faxweb)
