Një ditë më parë u krye arrestimi i shtetasit Gëzim Plepi 51 vjeç dhe u shpall në kërkim E. Plepi 26 vjeç, i cili dyshohet se dy netë më parë ka vjedhur banesën e XH. S. Ata akuzohen për vjedhjen e një banese një ditë më parë në fshatin Larushk të Krujës.
Gjatë kontrollit të ushtruar në banesën e tyre, u gjet dhe sekuestrua një sasi droge. Mësohet se 22 kilogramët kanabis u gjetën të fsehura në tavanin e banesës.
Ditën e sotme ka rënë në pranga edhe djali tjetër i familjes, i identifikuar si Genc Plepi 33 vjeç, banues në Arrameras, Fushë – Krujë.
Detaje të Policisë së Durrësit:
Specialistët e Seksionit për Hetimin e Narkotikëve në Drejtorinë Vendore të Policisë Durrës, në vijim të njoftimit të dhënë dje më datë 21.02.2017, ku u sekuestruan 22 kg Cannabis Sattiva, u arrestua në flagrancë një shtetas dhe shpallur që kërkim djali i tij, njoftojmë se:
Mbrëmjen e datës 21.02.2017, është bërë e mundur ndalimi i një shtetasi tjetër të përfshirë në konsumimin e veprës penale”Prodhimi dhe shitja e narkotikëve”, konkretisht shtetasi:
- Genc Plepi 33 vjeç, banues në Arrameras, Fushë – Krujë.
Nga hetimet e kryera, dyshohet se shtetasi i mësipërm ka qenë bashkëpunëtor më babain e tij, me shtetasin Gëzim Plepi ( i arrestuar më datë 20.02.2017) dhe vëllain e tij, shtetasin E.P.(i shpallur në kërkim), ku gjatë kontrollit të ushtruar në banesën e tyre i’u gjetën dhe sekuestruan në cilësinë e provës materiale:
- rreth 22 kg lëndë narkotike e dyshuar e llojit Cannabis Sativa .
Vijon puna për kapjen e bashkëpunëtorit tjetër të shpallur në kërkim, shtetasin:
- E.P. 26 vjeç, banues në Arrameras, Fushë – Krujë.
Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale”Prodhimi dhe shitja e narkotikëve”në bashkëpunim parashikuar në nenin 283/2 të Kodit Penal.
(XH.A/SHUPLAKA)
Discussion about this post