Mes shumë komenteve në postimet e ndryshme të kryeministrit Rama, të cilat më së shumti janë kritika apo ankesa, të cilave kreu i Qeverisë nuk ua përton, ka rënë në sy një koment nga një qytetar që i ka kërkuar “një nder të vogël”.
Ai i ka kërkuar kryeministrit që t’i urojë të atin në ditën e tij të lindjes, në foton që vetë djali ka shpërndarë në llogarinë e tij në “Facebook”, pasi i moshuari duket se gëzon shumë respekt për kryeministrin.
Dhe Rama nuk ka ngurruar, duke iu përgjigjur “E bëra”. Mes dhjetëra komenteve bie në sy urimi i kreut të qeverisë ndaj të moshuarit, i bërë nga profili personal i tij:
“Shumë urime zotërisë dhe të bëhet 100 për të shijuar sukseset tuaja e për gëzimin e të gjithëve ju! Respekt për të.”, shkruan Rama.
(XH.A/SHUPLAKA)
