Fatos Gurakuqi i cili mbahet në burg pasi u dënua me 10 vite burg për përdhunimin e vajzës ka tentuar vetëvrasjen. E gjitha kjo ka ndodhur rreth orës 3 e 30 të mëngjesit të sotëm në burgun 313. Ai u kap në momentin që kishte marrë çarçafin për të kryer aktin e rëndë.
Kujtojmë se pak kohë më parë djali i tij u mbyt në liqenin e Kasharit, ndërkohë që jetën e rezikoi edhe vajza e tij.
Dënimi i tij:
Gjykata e Tiranës ka dënuar me 10 vite burg Fatos Gurakuqin. Ai akuzohet se ka përdhunuar të bijën e tij 15 – vjeçare për 10 muaj me radhë në shtëpinë e tyre, në zonën e Kodër-Kamëz.
Gjatë gjykimit Prokuroia solli prova të pakundërshtueshme se Gurakuqi ishte abuzuesi i vajzës së tij. Përveç dëshmive të marra nga e dhunura dhe familjarët e saj ishte analiza e ADN-së ajo që fundosi babain përdhunues. Kjo analizë konfirmoi shkencërisht se 40-vjeçari ishte autor i përdhunimit.
Gjatë gjykimit, Gurakuqi nuk e pranoi autorësinë, duke kërkuar nga gjykata përsëritjen e analizës. Por kjo kërkesë u rrëzua nga gjykatësi Gerd Hoxha, me argumetin se ajo ishte një provë e pakundërshtueshme.
Përveç përdhunimit Fatos Gurakuqi është dënuar edhe për dhunë në familje ndaj së bijës dhe familjarëve të tjerë.
Mbytja e djalit:
Një 12-vjeçar i identifikuar si F. Gurakuqi humbi jetën teksa ishte duke luajtur në akullin e krijuar mbi Liqenin e Kasharit në Tiranë. Në shoqërinë e së motrës 15-vjeçare që mundi të shpëtohej, i mituri pëfundoi duke u mbytur.
Trupi i vogëlushit u nxorr dy orë më pas nga polumbarët e forcave RENEA, ndërkohë që babai nuk ishte i pranishëm për shkak se vuan dënimin me burg, i akuzuar për përdhunimin e së bijës, 15-vjeçares që arriti t’i mbijetonte mbytjes. (E.K/SHUPLAKA)
