Dëshmi tronditëse ka dhënë në polici edhe vajza e Fejzo Aliaj, i cili u vra mbrëmjen e 22 dhjetorit nga i biri me çekiç.
Ajko ka deklaruar në polici se i ati ishte maniak seksual. Prokurori i çështjes ka qenë personi që e bëri të ditur këtë pjesë të dëshmisë ditën e djeshme në sallën e gjyqit. Megjithatë, ai u ndërpre nga gjyqtarja, e cila i kërkoi që të lexonte vetëm provat për të pandehurin dhe jo dëshmi rreth viktimës.
Vajza si edhe gruaja e tij kanë dëshmuar se Fejzo Aliaj ishte person i dhunshëm dhe se me Selmanin nuk sillej mirë.
Ajo thekson më tej se Fejzo Aliaj i kishte thënë djalit se nusen do ta ndanin bashkë. “Selmani është fejuar me porosi të të atit, pa marrë pëlqimin e tij. Që nga ajo kohë, djali nuk ka qenë shumë mirë. Ai ka pasur konflikte me të atin si për fejesën, por edhe për gjëra të tjera. Në momentin kur ka ndodhur krimi, unë kam qenë brenda në banesë. Kam dalë që t’i thërras të dy për të ngrënë darkë, por nuk kam gjetur njeri në oborr. Kam tentuar t’i telefonoj, si Selmanin ashtu edhe Fejzon, por nuk më janë përgjigjur. Vetëm kur kam parë njollat e gjakut në oborr kam njoftuar Policinë”, ka thënë nëna e të riut në Polici. (J.V/Faxweb)
