Albert Veliu, i njohur ndryshme me pseudonimin “Babalja”, është liruar sot nga paraburgimi në Kosovë.
Në një lidhje të drejtëpërdrejtë për “Fax News”, avokati i Albert Veliut, Tomë Gashi, është shprehur se arrestimi i tij është bërë gabimisht dhe në shkelje të së drejtës ndërkombëtare. Sipas tij, Veliu ndihet i rrezikuar në burgjet e Shqipërisë.
“Kemi dëshmuar se arrestimi i tij ka qenë krejtësisht i paligjshëm. Ka qenë një arrestim i gabuar, pasi këtij i takon në bazë të drejtës ndërkombëtare të jetë i lirë.
Klienti im ndihet i rrezikuar në burgjet e Shqipërisë. Tashmë gjithçka është në rregull, është thjeshtë gabim.
Atij duhet t’i pranohet kërkesa për azil në Kosovë, pasi parishikohet edhe nga e drejta ndërkombëtare.
Ka qenë i arrestuar ditën e djeshme me kërkesën e Interpolit të Shqipërisë. Ai është plotësisht i sigurtë, është me mua”, – tha avokati Gashi.
Ndërkohë në linjë të drejtëpërdrejtë ka hyrë edhe vetë “Babale” i cili është shprehur shkurt: ” Jam i liruar, jam mirë, jam me avokatin bashkë. Për mua do të flasë ai. Ju faleminderit dhe mirëupafshim!”
(B.B/ Faxweb.al)
Discussion about this post