Nuk ka kaluar edhe aq pasoja protesta e opozitës dje përpara Kuvendit. Kjo për faktin se me të rënë mbrëmja, policia ka nisur një fushatë arrestimesh të personave të cilët ishin të përfshirë në këtë protestë. E pritshme kjo duke marrë parasysh pamjet e policëve me aparatë fotografikë në murin e xhamisë së re që po ndërtohet.
Mes të shoqëruarve në orët e vona të mbrëmjes së sotme ishte edhe Sali Lusha, një nga sipatizantët e njohur të Partitsë Demokratike, dhe njëkohësisht babai i reperit Stresi.
Me të marrë lajmin e shoqërimit të të atit në polici, Stresi, ka vrapuar menjëherë te Drejtoria e policisë, ku janë grumbulluar të shoqëruarit. Por ajo që nuk pritej ishte fakti se protesta e reperit problematik shqiptar ishte shumë civile, madje në prononcimin mediat, ai u tregua shumë qytetar dhe elokuent në kërkesat e tij.
“Babain tim e kanë shoqëruar vetëm e vetëm se ka marrë pjesë në një protestë të ligjshme. Po na sulmojnë politikisht, pasi ai nuk ka bërë asgjë. Ai ishte në një protestë të ligjshme, ku duhet të marrin pjesë i gjithë qytetarët për të mbrojtur të drejtën e tyre. Jam këtu me vëllanë dhe po presim ti lirojnë, ndërkohë që ju bëj thirrje të qëndrojnë fort…”, u shpreh Stresi.
(E.K/FAXWEB)
Discussion about this post