Edi dhe Klevis Lika, babë e bir janë dy prej të shoqëruarve nga Policia e Durrësit, pas zbulimit të një mjeti ‘’Toyota Jaris” me rreth 5 milionë euro të fshehura në pjesë të ndryshme të mjetit.
Edi Lika ka në pronësi një servis në zonën e Durrësit, ndërsa pak kohë më parë e ka zgjeruar aktivitetin e tij dhe në transport ndërkombëtar mjetesh, ndërsa i biri kishte nisur punë si shofer shoqërues.
Bashkë me ta është shoqëruar dhe shoferi kryesor i mjetit që ka qenë Agim Ceka 61-vjeç, ndërkohë që mbetet ende i paindetifikuar personi që ka porositur makinat.
Ndërkohë që mëngjesin e sotëm u bë e mundur dhe përfundimi i numërimit të parave të gjetura, dhe më pas dërgimi i tyre drejt Tiranës, me një prani të shtuar të efektivëve të policisë.
Numërimi dhe verifikimi i parave është kryer nga ekspertë të ardhur nga drejtoria e përgjithshme e doganës, kufirit dhe migracionit
Shuma është transportuar me thasë në drejtim të Tiranës.
Burimet thonë se shifra e parave është në 5 mln €, por që pritet të dalin organet policore apo doganore në komunikim zyrtar
Mjeti toyota është e sekuestruar në portin e Durrësit, në shërbim te hetimeve të mëtejshme.
Ndërsa janë sekuestruar pamjet filmike në portin e Durrësit për të zbardhur dhe intenerarin e mbërritjes së mjetit në Portin e Durrësit.
Po ashtu është kërkuar bashkëpunim me portin e Barit, për të zbardhur intenerarin e nisjes tranzit nga porti italian.
Ashtu siç e kemi thënë edhe dje Prokuror i çështjes do të jetë Sokol Nishani.
(E.K/FAXWEB.AL)
