Bajerni i Mynihut e ka nisur me fitore vitin 2017. Por kjo fitore nuk ka qenë e lehtë sepse bavarezët janë gjetur në disavantazh që në minutat e para të lojës, por Haberer ka gjetur golin që në minutën e 4-t.
Por për bavarezet ka menduar Robert Levandovski, i cili ka shënuar një dopietë.
Golin e parë e ka shënuar në minutën e 35-të, ndërsa goli i dytë ka ardhur shumë vonë, gati në përfundimin e ndeshjes. Bëhet fjalë pikërisht për minutën e 91-të.
Ekipi i Ançelotit me këtë fitore shkëputet me 6 pikë nga ndjekësi tij më i afërt Lejpcig, ndërsa ekipi i Fraiburgut ndodhet në vend të 8.
Në këtë ndeshje trajneri Streish kishte ftuar edhe mesfushorin e Kombëtares Amir Abrashi, i cili e ka ndjekur ndeshjen nga stoli, pasi nuk është aktivizuar fare. (K.P/Shuplaka)
Discussion about this post