E pazakontë në sportin profesioniost, por mesa Duket Elis Bakjat i është toleruar. Futbollisti që tashmë luan me shkodranët e Vllaznisë ka vendosur që të mos luajë në ndeshjen me Tiranën.
Kujtojmë se kjo ndeshje do të jetë e rëndëishme për të dyja skuadrat, pasi vendoset se kush prej të dyjave do të bjerë nga kategortia.
Në një intervistë të dhënë sot për “Top Channel, sulmuesi tregoi se çfarë e kishte shtyrë të ndërmerrte këtë vendim të papritur.
“Kam vendosur të mos luaj në këtë ndeshje kundër Tiranës. Bardheblutë janë skuadra që unë dua ndërkohë që edhe Vllaznia më ka respektuar shumë dhe unë e respektoj shumë. Për të mos u paragjykuar dhe me që nuk ndihem në 100% në këtë ndeshje, vendosa të jem më i ndershëm edhe të heq dorë.
Kontrata ime ka përfunduar me Vllazninë, e falënderoj për ndihmën që më ka dhënë këtë periudhe e gjithmonë, por tani më duhet të iki. Sido të luaja në këtë ndeshje do të paragjykohesha nga njëra palë apo nga tjetra.
E di që jam profesionist dhe nëse kjo ndeshje do të ishte finale kupe apo kampionati do jepja maksimumin për Vllazninë, por meqë është për të rënë nga kategoria dhe unë i dua shumë të dyja skuadrat, nuk ma bën zemra të luaj.
Madje këtë ndeshje as do ta shoh fare as në TV. Këtë gjë ia kam shpjeguar stafit të Vllaznisë dhe të gjithë shokëve të skuadrës, pasi u detyrohem”, ishin fjalët e Bakajt.
Discussion about this post