“E di që tingëllon shumë gjatë dhe e zvarritur, por…”, mjeku shqiptar në Britani zbulon kur do të ndodhë vaksinimi i përgjithshëm anti-Covid

Mjeku shqiptar në Britaninë e Madhe, Baki Ejupi në një intervistë për Fax News foli në lidhje me fillimin e vaksinimit anti-Covid në shtetin ku ai po jeton.

Ejupi bëri me dije se kanë ardhur mbi 100 mijë doza të vaksinën në Britaninë e Madhe pritet që të nisë ditën e martë të javës së ardhshme.

Po ashtu Ejupi foli edhe më shpërndarjen e vaksinës për Shqipërinë dhe për Kosovën, duke theksuar se ajo do të fillojë në të njëjtën kohë me vendet e tjera të Evropës.

Ndërkohë mjeku shtoi se shumica e vaksinimit kudo në botë do të ndodhë në gjysmën e parë të vitit të ardhshëm.

Sipas mjeku kjo do ndodhi për faktin se nuk ka mundësi të prodhohen të transportohen dhe të krijohen kushte për transportimin, për ruajtjen dhe për dhënien e këtyre vaksinave për miliona e miliona, sikurse ne do të kishim dëshiruar.

“COVAK është një organizatë që përbëhet prej disa agjencive dhe për qëllim ka që të sigurojë disa vaksina me çmim të volitshëm për shtet si Shqipëria dhe Kosova. Sa i përket Evropës ku janë Shqipëria dhe Evropa mesa unë kuptoj duhet të pritet drita jeshile e Organizatës Europiane për Licensimin apo rregullimin e produkteve para se të lejohet që të ndodhë në Evropë. Por sa ajo të ndodhe, unë besoj se BE, ka marrëveshjes që përcaktojnë blerjen e dozave të caktuar dhe besoj se në atë program do të përfitojë dhe Shqipëria dhe Kosova. 

Sa shpejt do të ndodhë do të varet prej mundësisë që këto Bio Tech e të tjera sa kanë mundësi të rrisin prodhimtarinë e vaksinës. Edhe këtu ka lista prioritare dhe disa vende do të kenë akses më të shpejtë se të tjerët. Po shpresa është se jo shumë më vonë se vendet e BE-së, dhe besoj se do të kenë dhe Shqipëria dhe Kosova. Edhe unë shpresoj se kjo është çështje javësh e jo muajsh.

Megjithëse shumica e vaksinimit edhe këtu edhe në Evropë edhe në botë do të ndodhë në gjysmën e parë të vitit të ardhshëm. E di që tingëllon shumë gjatë shumë e zvarritur, por fakti është se nuk ka mundësi të prodhohen të transportohen dhe të krijohen kushte për transportimin, për ruajtjen dhe për dhënien e këtyre vaksinave për miliona e miliona, sikurse ne do të kishim dëshiruar.”- tha mjeku. (M.Q/Faxweb.al)