Balada e Era Rusit e kopjuar? Reagon autorja e këngës: Është frymëzuar nga një histori e vërtetë

“ Mos ma merr“ quhet kënga që ka sjellë Era Rusi këtë radhë tek “ Kënga Magjike“, por shumë shpejt është kthyer në temë debatesh te nxehta.

Arsyeja është ngjashmëria e madhe e tekstit me hitin e famshëm “ Jolene“ të këngëtares së madhe Dolly Parton.

Ashtu si “ Jolene“, edhe “ Mos ma merr“ tregon bukurinë e rrallë të rivales në dashuri me te cilën rezulton që nuk konkuron dot, ndaj i lutet që ajo të mos hyjë në mes te lidhjes duke i larguar dashurinë e mashkullit që ka në krah. Autorja e tekstit Fifi ka reaguar duke pranuar  për “ Iconstyle“ se ngjashmëri ka, por se shumë femra kalojnë nëpër situata të ngjashme ndaj nuk është cudi që frymëzimi i saj të ketë qenë një histori e vërtetë, sepse sic thotë dhe vetë zakonisht bazohet në histori të tilla.