Pas deklaratave të kreut të opozitës Lulzim Basha, për shkarkimin e Ministrit të Drejtësisë Ylli Manjani nga detyra, reagon deputeti i PS-së Taulant Balla.
Nëpërmjet një postimi në Facebook, Balla shprehet se është i habitur me fjalët e Bashës, i cili kërkoi llogari për shkarkimin e Manjanit.
“Luli mund te jete i vetmi ‘lider’ opozite ne bote qe kur shkarkohet nje minister kerkon shpjegime se pse u shkarkua. Madje shkon deri aty sa merr ne mbrojtje edhe ministrin e shkarkuar. Po keshtu edhe Saliu dhe po njesoj edhe Ben Blushi, luli tjeter i Saliut!”, shkruan Balla.
Më pas, nënkryetari i grupit parlamentar të PS-së shton me ironi se pikërisht këto reagime të opozitarëve, janë shkaku i debateve me LSI-në.
“E si te mos kete debate ne koalicion kur opozita ben gare kush e mbron me shume nje minister qe shkarkohet?”, shton Balla. (D.D/Shuplaka)
Discussion about this post