Vijojnë debatet në Kuvend, ndërsa kryeministri Rama është larguar nga seanca. Ka qenë Taulant Balla ai që i ka folur rusisht kreut të opozitës Lulzim Basha, teksa i kujtonte demokratëve kontratën e lobimit.
Ndërkohë në replikën e tij Basha është shprehur: Ku ka shkuar tashmë Edi Rama, ka shkuar që të takojë Saimir Tahirin. Dhe nuk ka burrëri që ta takojë haptazi, po e takon skutazi, në spitale, duke shpikur dhe sëmundje të paqena. Lërini përrallat me rus.
Balla u shpreh më herët: Si fillim po ndalem pak tek tragjedia e Gërdecit. Ju ikni nga salla sa herë që flitet për të vërteta. Tavarish Luli, (Shoku-në rusisht) ke bërë mirë që nuk e ke lejuar Saliun të vijë në sallë e nuk ja ke vënë emrin në listë për të folur se në 10 vjetorin e Gërdecit do të ishte provokim i rëndë. Duhet të dënohen të gjithë fajtorët, për 26 jetë. Duhet të vihet drejtësia aty ku i takon. Tavarish për ata që nuk e dinë është shok në rusisht. Ti ke për detyrë, lëri lotët e krokodilit por jep llogari çke bërë me ndihmë ruse. Na thuaj kush janë këta 100 shqiptar-amerikan që kanë mbledhur për tyre 1 milion dollarë.
(E.K/FAXWEB)
Discussion about this post