Ka nisur me debate seanca e sotme parlamentare ku do të diskutohej Komisioni për Reformën Zgjedhore. PD kërkon që diskutimet të nisin që sot, ndërsa Grupi i PS-së kryesuar nga Balla kërkon që diskutimet të jenë pjesë e Grupit të posaçëm.
Balla u shpreh se PD-ja është katandisur me 3 deputetë në Komisionin me 18 anëtarë për shkak të problemeve të brendshme. Vasili dhe LSI kërkojnë kohë dhe duket se diskutimet do të shtyhen për një moment të mëvonshëm.
“E kam thënë prej ditës së parë që nuk kërkojmë debat. Unë jam dakord me grupin e PD-së, që duan diskutim, po më duhet të them që në 25-vite nuk ka pasur diskutim kur marrëveshjet janë arritur me konsensus.
Dje në konferencën e kryetarëve nuk kemi rënë dakord për përbërjen e Komisionit të Reformës në Drejtësi. Nuk ka bërë vaki që PD të degjenerojë në 3 anëtarë nga 18. Në konferencën e kryetarëve nuk vendosëm për emrat e anëtarëve, po me bonsensin tim dhe të LSI-së u vendos përbërja.
Ne nuk mund të bëhemi vegël e PD-së për debatet e tyre të brendshme në lidhje me zgjedhjet. Nëse PD do të bëjë debat për këtë çështje, po për këtë do na duhet kohë që të përgatitemi, prandaj na duhet kohë”, u shpreh Balla.
(E.K/SHUPLAKA)
Discussion about this post