Taulant Balla është pyetur nga gazetarët sot për partinë e re të Blushit dhe deklaratat e PD për bashkëpunim me LSI.
Ai tha se nuk marrim në konsideratë propozime të tilla, pra ftesën e PD-së për LSI-në.
“E kemi thënë shumë qartë se ne duam ta vazhdojmë Aleancën tonë për Shqipërinë Europiane.Kemi hyrë në një proçes bashkëqeverisje në 2013 dhe jemi të gatshëm që në interes të qytetarëve shqiptarë jemi të gatshëm që këtë aleancë ta vazhdojmë edhe në zgjedhjet e 2017. Aleanca për Shqipërinë Europiane do të vazhdojë”, tha ai.
Ndërsa lidhur me “Libra”-n, partinë më të re, ai tha se “sot takova përfaqësuesit e 40 partive të vogla për kon zgjedhor, dhe të institucionalizohet edhe ai (Blushi) në kuadër të kësaj tryeze dhe të sjellë kërkesat që ka për sa i përket çështjeve të Kodit Zgjedhor.
Ndërsa pyetjes nëse PS do të bëje pjesë të koalicionit për 2017-ën edhe “Libra”-n, Balla i përgjigjet “spektri politik shqiptar është shumë i madh, ka parti dhe partiza, kështu që.. Urime!”
Ndërsa më herët në një status në facebook, Taulant Balla shkruante: “Partia Demokratike pershendet pjellen e saj te shumepritur, partizen e Ben Blushit! I cili sic thote edhe PD permes Astrit Patozit, ka vetem nje qellim:
Rrezimin e Edi Rames dhe Partise Socialiste!
Pra ka te njejtin qellim si Saliu, Luli dhe gjithe kundershtaret tane te deshperuar. Aq te deshperuar sa edhe Ben Blushin e shikojne si shpëtimtar”, shkruan Balla.