Taulant Balla i ka kërkuar Presidentit Meta dhënien e urdhrit “Nderi i Kombit” organizatës së Veteranëve të Luftës Antifashiste dhe Nacional-Çlirimtare.
Nëpërmjet një shkrese zyrtare kryetari i grupit paralamentar të PS-së, Taulant Balla i ka kërkuar Presidentit Meta dhënien e këtij titulli në nder të krijimit të 62-vjetorit të kësaj organizate dhe 75-vjetorit të çlirimit të Shqipërisë.
Balla e arsyeton këtë kërkesë me “Mbrojtjen, përhapjen, transmetimin dhe edukimin e brezave të rinj të idealeve dhe vlerave antifashiste, athetare dhe liridashëse”.
Kërkesa e Ballës vjen në një kohë kur në vend po rrihet me tone të nxehta një debat mes disa figurave publike për aktivitetin e disa prej drejtuesve kryesore të LANÇ gjatë kohës së luftës së dytë Botërore në Shqipëri.
Pas botimit të librit të Çelo Hoxhës ku renditeshin 265 drejtues të kësaj lufte të cilët sipas studimit të tij, kishin kryer krime lufte përgjatë kësaj kohe.
Sulmi u përqendrua kryesisht nga Spartak Braho, Sabit Brokaj dhe Fatos Tarifa ndaj Agron Tufës, drejtor i Institutit të Krimeve të Komunizmit, çka pasoi dhe me një padi të këtij të fundit në gjykatë për shpifje dhe denigrim figure.
Discussion about this post