Kreu i Grupit Parlamentar të PS-së Taulant Balla nga foltorja e Kuvendit ka bërë deklarata të forta ndaj kryetarit të PD-së Basha dy ditë para protestës së opozitës.
Balla tha se Basha me anë të protestës do që të marrë sa më shpej paratë e pallatit të vjehrrit të vet dhe se nuk i interesojnë qytetarët.
“Çfarë fituan protestuesit e PD në 18 Shkurt? Fituan vetëm avokaten e popullit. Protestuan 3 muaj në çadër që Basha të merrte avokaten e popullit të vjehrrit të vet. Në 18 Maj ne votonim avokaten e popullit, por ajo nuk ishte këtu për të bërë betimin sepse 1 ditë më pas ishte në Strasburg. Kishin protestuar 3 muaj protestuesit e PD-së që të merrnin avokaten e popullit, e cila për turp shkonte në një gjyq të Xhaferr Isufit kundër Shqipërisë. Këtë fitoi Basha nga protesta e 18 shkurtit. Në 27 Janar do të ndërtoni marrëdhënie të kushtëzuar me Parlamentin që Xhaferri të marrë paratë nga ministria e Financave”, tha Balla. (B.H/Faxweb)
