Opozita ka vendosur që të bojkotojë sot punimet e Kuvendit, ku pritet që ta kalojë në votim projektligji për shkollën e magjistraturës, i cili kërkon një shumicë të cilësuar, pra 84 vota. Vota të cilat PS-ja nuk i ka, dhe për këtë Taulant Balla i shtriu dorën për bashkëpunim LSI-së.
Ndërsa opozita ngriti akuza për manipulimin që u bë të enjten që kaloi, ku Vangjel Tavo rezultonte se kishte votuar, edhe pse nuk ishte në seancë, Balla kishte një shpjegim dhe për këtë çështje.
“Nga ana e PS-së nuk ka pasur asnjë deputet që të votojë në emrin e një kolegu të tij. Deputetit të pavarur Robert Bitri në vendin ku ai ulej i është vendosur një kartë në emrin e Vangjel Tavos, gjë që nuk ka qenë faji i tij.
Unë ftoj kolegët e administratës së Kuvendit që të hapin kamerat dhe të shohin atë që ka ndodhur. Dhe ç’bëri 75 apo 74 vota, edhe në rast se zotit Bitri nuk i quhet pa të drejtë vota. Unë i bëj thirrje LSI-së të paktën që të reflektojë dhe të vijë të votojë për shkollën e magjistraturës”, u shpreh Balla.
(E.K/FAXWEB.AL)
Discussion about this post