Kreu i grupit Parlamentar të Partisë Socialiste Taulant Balla, në përfundim të mbledhjes së Konferencës së kryetarëve, i bëri thirrje kryetarit të Partisë Demokratike Lulzim Basha, që të bashkohet në tryezën e diskutimit për çështjet madhore të integrimit të Shqipërisë në BE.
“Të adresojë të gjitha çështjet që na ndajnë eato madhoret që na bashkojnë. Kjo tryezë duhet të përmbajë partitë më të rëndësishme të Kuvendit, PS, PD dhe përfaqësimi i tyre të jetë në nivelin më të lartë, kryetari, nënkryetari dhe përfaqësues të tjerë të lartë që ne të diskutojmë për çështjet madhore që na bashkojmë sepse kemi çështje ku ka dakordësi dhe ku nuk ka.
Edhe PD ka të drejtësn e saj për çështje që duhet të paraqiten, por PS nuk mund të jetë shtojcë funksionale e PD. E vetmja gjë që nuk bëhet me kushte është bashkëpunimi. Spaho t’ja ritransmetojë këtë mesazh shumë pozitiv në frymën e integrimit europian, edhe zotit Basha, që çështjet e integrimit duhet ti adresojmë në tryezën e dialogut politik konstruktiv.
Zoti Basha në frymën e këtij propozimi duhet një ditë e më parë të bëhet pjesë e kësaj çështjeje kaq të rëndësishme siç është tryeza e integrimit europian.”, tha Balla në një dalje për mediat.
Ky reagim i Ballës vjen pasi në mbledhjen që zgjati rreth 40 minuta, kryetari i grupit parlamentar të PD-së Edmond Spaho shtroi edhe njëherë kërkesat e PD-së si kërkesa për referendum për mbetjet, apo amendamentet për organet e Vettingut. (D.D/Shuplaka)
