Deputeti socialist Taulant Balla i përgjigjet deputetes së LSI-së Monika Kryemadhit, pas deklaratave të një ditë më parë që kjo e fundit bëri në Elbasan.
Sipas Ballës, Kryemadhi e ka nisur që tani fushatën politike dhe e cilëson atë si opozitë.
“Se di çdo bëjë opozita në qarqet e tjera po në Elbasan ajo ka filluar fushatën! Do thoni ju që mikja ime Monika nuk është opozitë! Po e keni gabim, sepse Monika bën opozitë edhe për dikasteret apo agjencitë që janë përgjegjësi e partisë së saj në qeveri. Ja për shembull, shkon në Shushice e thotë s’është bërë asgjë për bujqësinë, ndërkohë që partneri ynë ka edhe Ministrinë edhe agjencinë e pagesave për fermerët. Ose u thotë ju ka lënë qeveria pa ujë, ndërkohë që drejtorinë e ujësjellësit për atë zonë e ka një figurë e partisë së Monikës. Kështu që mos ia qani hallin opozitës, të paktën për Elbasanin, se në Elbasan opozita ka filluar fushatën”, deklaroi sot Balla.
Në ditë më parë, Kryemadhi ishte në Elbasan për prezantimin e studimit të fizibilitetit të ujësjellësit të ri në Rrajcë të Prrenjasit.
Nga atje deputetja deklaroi se politika është përfshirë në debate dhe pseudo-reforma duke harruar detyrimet ndaj njerëzve. (D.D/Shuplaka)
Discussion about this post