Rezultati i zgjedhjeve te 14 majit duhet të jetë i gjithëpranuar nga të gjitha forcat potike, e mbi të gjitha nga kundërshtarët tanë. Kështu është shprehur nga Fieri, kreu i grupit parlamentar socialist Taulant Balla duke bërë thirrje që fushata të jetë e qetë, e pastër dhe pa shume kosto financiare.
Berisha dhe Meta, sipas Ballës kanë filluar të ndërtojnë alibinë e humbjes, ndërsa i pyetur per largimin e te rinjve, ka thënë se asnjë i ri nuk mund tja besojë votën një individi të akuzuar për korrupsion , minim të demokracisë e të shpallur non grata. Sipas tij Berisha ka filluar të fshihet brenda potureve të Ilir Metës. Shqiptarët në 14 Maj do ti tregojnë me votë fundin politik dyshes Meta Berisha, ka shtuar Balla. Ndersa mesazhin e shkruar ne muret e selise roze disa dite me pare ne Fier, “ Fieri nuk eshte Elbasan” Balla e ka cilesuar perpjekje te deshperuar te kundershtareve politike.
Dyert e hapura të Spak nuk përbëjnë asnjë problem sipas Ballës, madje funksionimi i kësaj strukture është për tu vlerësuar.
Balla ishte në Fier në mbledhjen e parë të këshillit kordinativ të qarkut pas vendimit të kryesisë për shpalljen e kandidatëve për zgjedhjet vendore të 14 majit. Në qarkun e Fierit kandidaturat e reja janë dy, Fation Duro në Patos dhe Josif Gorrea në Divjakë.
Balla: PS garon në këto zgjedhje me 6 kandidatë që do jenë fitues në të 6 bashkitë. Dua të theksoj që kemi bërë një punë të shkëlqyer. Kemi arritur të gjejmë një ekuilibër mes anëtarisë së PS-së. Kemi përfshirë të rinjtë dhe ka barazi gjinore. Personalitete nga fusha të ndryshme, që kanë spikatur gjatë viteve.
Gazetari: A ka pasur kontestime në radhët e socialistëve sa i përket kandidaturave të reja dhe promovimit të tyre?
Balla: A ju shpëton gjë ju gazetarëve të Fierit, nuk ju shpëton gjë, nëse do të kishte patur një lloj kontestime… e vërteta është që PS do fitojë në zgjedhjet e 14 majit. Të gjithë kandidatët janë mirëpritur.
Do të vazhdojmë të rrisim vëmendjen e qeverisë, investimet kanë qenë të mëdha dhe do të vazhdojnë të jenë të tilla. Vëmendja e qeverisë për qarkun Fier si qarku me ekonominë e dytë më të madhe në vend do të vazhdojë të jetë. Synoj të ndërtojmë një marrëdhënie shumë të fortë mbështetëse për sipërmarrjen e Fierit, komuniteti i biznesit të Fierit është një komunitet që ka një nivel të lartë të pagesës së detyrimeve që burojnë nga aktivitetet e tyre. Roli i një drejtuesi politik është të krijojë një lobing të domosdoshëm në mbështetje të Fierit.
