Ndalesa e radhës e Taulant Ballës ishte në Gjergjan të Elbasanit në një takim me nëna dhe motra, ku prezantoi edhe kandidatin për deputet, Arben Kamanin.
“Në Parti Socialiste e themi kudo që nuk jemi shumë të kënaqur nga çfarë kemi bërë këto katër vite, madje do të kishim dashur të kishim bërë më shumë sesa kemi bërë deri më tani, sepse gjithmonë ka nevojë për të përmirësuar”, u shpreh Balla.
Më tej deputeti Balla theksoi se ka vlerësuar maksimalisht këtë zonë.
” Ne kemi menduar që më mirë se kushdo tjetër hallet dhe problemet e kësaj zone nuk i njeh askush tjetër, sesa doktori i nderuar, Arben Kamani. Unë mendoj se roli i deputetit është shumë i rëndësishëm, ai është njeriu që duhet t’i rrijë tek koka çdo fshati dhe çdo problemi”., tha Balla.
Në vijim të fjalës së tij, deputeti u shpreh se kanalet vaditëse të Elbasanit nuk ishin pastruar asnjëherë që nga viti 1988. “Janë 170 km kanale të pastruara vitin e kaluar, po kështu vijojmë edhe këtë vit, por nuk mbaron këtu sepse unë e di që pritshmëria juaj ndaj nesh në bujqësi ka qenë më e madhe sesa kjo që ne kemi bërë tani. Me këto gjykata që kemi pasur deri më tani drejtësinë e merte ai që paguante më shumë, dhe jo ai që kishte të drejtë. Nuk e quan fitore të askujt sepse ata që nuk duan zgjedhje, duan që ti heqin popullit instrumentin më të rëndësishëm që ai ka për të kontrolluar pushtetin, votën. Nuk ka ndodhur, jo në shqipëri, po në asnjë vend të botës që kur ka një sistem demokratik që një parti politike të pengojë zgjedhjet, që një parti politike ti thotë popullit mos shko në zgjedhje. Ne duam që populli të shkojë në zgjedhje dhe që populli të vlerësojë me votë këdo që ka punuar. Populli nuk ka nevojë për rrumuja, populli ka njëminjë halle të tjera dhe një rrëmunjë i duhet popullit dhe sigurisht gjithçka është në dëm të vendeve të punës”, tha Balla.
Më tej ai theksoi se deputeti Balla theksoi se ky skenar ogurzi i PD për të krijuar konflikt pa asnjë arsye nuk i shërben popullit të thjeshtë.
“Unë e di që këtu mes nënave dhe motrave ka dhe nga ato që kanë votuar PD dhe shumë mirë kanë bërë, kur PD ishte në sistem mirë ke bërë sepse e tillë është demokracia. Ndaj i bëj thirrje çdo nëne, çdo motre që historikisht kanë votuar PD, kësaj radhe të mos i binden urdhërave të PD, por të marin pjesë në zgjedhje”, përfundoi Balla. (J.V/Shuplaka)
