Pak pas mbledhjes së dështuar për ccështjen CEZ kryetari i këtij komisioni Taulant Balla ka dhënë një deklaratë për mediat. Ai ka akuzuar Shkëlzen Berishën se qëllimisht kërkon që të bllokojë punën e këtij komisioni.
‘’Për të ardhur keq që tre dëshmitarë kyç Sali Berisha, Shkëlzen Berisha dhe Nuel Kalaj po bllokojnë marrjen e dëshmive të tyre dhe iu kujtoj që sipas përcaktimeve që na jep ligji do të ndjekim rrugët ligjore për të ndjekur penalisht cdo dëshmitar që nuk respelton ligji. Dëshmia është e pavlefshme nëse nuk bëhet betimi.
Provat janë marrë në mënyrë të ligjshme nga dëshmitari Romeo Kara, provat në rrugë zyrtare dhe janë depozituar në rrugë zyrtare dhe kryefjala është se këta janë mësuar të caktojnë prokurorin dhe gjyqtarin. Konflikt interesi me gjyqtarin që ka emëruar babai ke ti? Në të gjitha vitet janë përcaktuar gjyqtarët dhe prokurorët.
Këtu kemi të bëjmë me një strategji për të bllokuar komisionin. Hera e dytë që dëshmitari nuk bën betimin.
Kërkesa është bërë herën e kaluar nga Dhurata Cupi, bazuar sipas saj për konfliktin e interesit dhe komisioni u shpreh për këtë dhe nuk ka nevojë më të shprehet. Nëse do të kishim elementë të rinj komisioni do të shprehej.
Kemi një koordinim të tre dëshmitarëve Sali dhe Shkëlzen Berisha dhe Nuel Kalaj.
Lexoni deklaratën e Nuel Kalaj dhe Shkëlzenit i ka shkruar një dorë.
Ne do të vazhdojmë që ta thërrasim sikur po ndjekim dokumentacionin për mbërritjen.
Kështu qoftë dëshmitari edhe i biri i Sali Berishës do të dëshmojë’’, është shprehur Balla. (E.K/SHUPLAKA)
Discussion about this post