Ballafaqimi me Beqjan në seancë, Shullazi: Ç’më premtove në rast se kushëriri Ilir Beqaj do bëhej ministër

Tek Krimet e Rënda është zhvilluar sot seanca ndaj Emiljano Shullazit, ku më në fund është arritur përballja mes të ndaluarit Emiljano Shullazi dhe biznesmenit Ylvi Beqja. Ky i fundit, dëshmitari kyç për zbardhjen e kalimit të 20% të ish-hotel Vollgës në llogarinë e Shullazit, u përball sot me të akuzuarin.

Në fjalën e tij në seancë, biznesmeni u shpreh mbi raportin me Shullazin se të dy shkonin mirë me njëri-tjetrin deri në momentin që shkuan tek noteri në bazë të marrëveshjes së arritur mes tyre: “Me Shullazin më njohu dhe më lidhi një avokat. Ne shkonim mirë deri kur shkuam tek noteri.”

Nga ana tjetër, Emiljano Shullazi, u ndal tek planet e tyre për krijimin e një biznesi bashkë në rast se kushëriri Ilir Beqaj do të bëhet ministër.

“Më premtove se do të hapnim një biznes bashkë. Do hapnim biznes mbetjesh spitalore. Të pyeta si do e hapnim dhe më the “Kam kushëri Ilir Beqajn”. Por këto pretendime të Shullazit, Beqja i ka hedhur poshtë duke i cilësuar sajesa.

Seanca e sotme u zhvillua nën masa të rrepta sigurie. 

(XH.A/SHUPLAKA)