Klevis Balliu gjatë pasditës së sotme bëri një deklaratë të fortë ku tha se kishte burime se Kryeministri Rama, kishte pasuar një parainfarkt dhe po merrte trajtim mjekësor në një spital privat.
Pas kësaj deklarate ka reaguar menjëherë Drejtori i Informacionit në Kryeministri, Endri Fuga duke i përgënjeshtruar këto deklarata (Lexo këtu) e më pas ishte vetë Rama që i quajti si lajme kazani (Lexo këtu).
Por ndërkohë, nuk ka vonuar kundërpërgjigjja e ish-deputetit Klevis Balliu i cili e sfidon Ramën duke i thënë që nëse është vërtetë mirë, siç ai thotë, le të bëj një video live në ERTV.
Balliu i kujton Ramës se prej 5 muajsh protestë ai nuk ka thënë asnjë fjalë ndërkohë që për shëndetin fillon sipas tij avazin e vjetër.
Ai rrëfen po ashtu edhe shoqërinë që ka patur me djalin e Kryeministrit gjatë kohës që ishin në shkollë.
Reagimi i plotë:
5 muaj në protestë nuk the një fjalë.
Sa dolëm tek shëndeti jot fillove avazin e vjetër.
Unë dëshiroj që të jesh shëndosh e mirë me shëndet, si babai i një shoku të shkollës.
Madje dëshiroj që mjekët të ta lejojnë sërish celularin.
Dhe ti mos abuzo më duke shkruar sidomos fjalët ‘babë e bir’ se këtu ti ngatërrohesh keq.
Meqe je mirë, siç edhe thua, bëj një video live në ERTV.
(F.GJ/FAXWEB.AL)
