Një nga gazetarët dhe aktivistët e shoqërisë civile Erion Kristo ka reaguar në lidhje me protestën e opozitës. Duke vendosur theksin te e mira e lëvizjeve dhe protestave Kristo ëhstë shprehur kundër çdo qëndrimi që kërkon të hedh baltë mbi njerëzit e thjeshtë që marrin pjesë bë këto protesta.
Ai është shprehur se mbi njerëzit e thjeshtë nuk ka pse hidhen ofendime. Duke vijuar më tej ai thotë se të njëjtin qëndrim ka mbajtur edhe në protestat e mëpërparshme kur protestuesit janë quajtur ‘’kokëpalarë’’.
REAGIMI I ERION KRISTOS:
Shoh njerëz në Facebook që bëjnë shaka me protestën: jo tallava, jo pica, jo valle.
Mbase do ishte më mirë të digjnin ndonjë gome. Mbase do ishte më mirë të vinin muzike vjeneze. Mbase do ishte më mirë të hanin havjar rus. Mbase do ishte më mirë të vinin nga Parisi.
Kjo situatë më kujton atë qëndrimin e “kokëpalarëve”. Sa herë që rrezikohet pushteti, aq herë del në pah urrejtja për njerezit e thjeshtë.
Po kjo nuk është asgjë. Amplifikimi i kësaj është i turpshëm. Njerëz të thjeshtë që ndërsehen kundër njerëzve të thjeshtë.
Respektoni protestën. Respektoni njerëzit. Nuk ka rëndësi nëse koka është e palarë, rëndësi ka që mendimet të jenë të lara.
Ai njeriu që del aty, ka ndonje hall. Duhet respektuar. Mësohuni të mos jeni dakord duke respektuar.
Une kam të drejtë ta them këtë, sepse kam qenë gjithmonë në krah të “kokëpalarëve”. (E.K/SHUPLAKA)
Discussion about this post