Kreu i Partisë Fryma e Re Demokrratike Bamir Topi deklaron se ai nuk është për krijimin e një qeverie teknike.
Në mbledhjen e Kryesisë së FRD-së, Topi gjithashtu akuzoi presidentin e Republikës Bujar Nishani si palë të politikës.
“Situata parazgjedhore tepër e rëndë. nuk kemi qenë për qeveri teknike, këtu ndahemi me opozitën. Komisioni i reformës zgjedhore në mënyrë të qëllimshme është braktisur për të krijuar alibi për zgjedhjet që vijnë. I bën thirrje faktorit ndërkombëtar, pasi kemi humbur totalisht besimin nga faktorët e politikës, të hyjnë me shpejtësi për të ndërmjetësuar. Presidenti ka treguar se asnjëherë nuk ka qenë mbi palët por ka qenë palë. FRD do organizoje strukturat e saja për t’u takuar me njerëzit”, tha Topi.
Ndërkohë, lidhur me koalicionin Topi deklaroi se ende nuk ka vendosur se me kë do bashkohet, pasi ende po analizon situatën. Sipas tij, është e vështirë të deshifrohet se sip o sillen partitë politike.
“FRD do jetë forcë pjesëmarrëse në zgjedhjet e 18 qershorit. FRD po e analizon situatën. Qëndrimet politike të forcave qe sot janë në lojë kanë marrë trajta qesharake. Është shumë e vështirë të deshifrohen kodet sesi sillen partitë politike dhe aktorët kryesor. Ka mungesë totale transparence, ka mungesë predispozicioni për të hyrë në komisionin e reformës zgjedhore. Forcat politike të papërgjegjshme e kanë lënë situatën në rënie të lirë për zgjedhjet.
Te ikin molitantët partiak nga komisioni që procesi të dalë nga partitë. Procesi ka dështuar nga mënyra si sillen partitë, të atyre qe kërkojnë ta marrin pushtetin në tavolinë. Sot situata më e rëndë se në 25 vite nga sa unë mbaj mend. Asnjëherë dialogu politik s’ka qenë në këtë gjendje. Një forcë politikë nuk hyn më zgjedhje një tjetër është ambigue të hyjë a të mos hyjë.”, tha kreu i FRD-së. (D.D/Shuplaka)
Discussion about this post