Banda e drejtuar nga ish-polici, gjykata jep vendimin për tre të akuzuarit

Gjykata e Tiranës jep masën e sigurisë për tre të akuzuarit, që pak ditë më parë u kapën nga policia e Tiranës me 1 kilogramë kokainë. Bëhet fjalë për ish- policin e Kurbinit, Gjergji Gjinajn, specialistin e patentave në Drejtorinë e Shërbimit të Transportit, Armond Kurtin, si dhe Ismail Allushin.

Gjykata vendosi t’i lërë në burg pa afat të tre të akuzuarit, derisa të përfundojë procesi gjyqësor dhe të merret një vendim final.

Mbrëmjen e së enjtes, tre të dyshuarit u arrestuan pas një operacioni policor dhe iu sekuestruan një sasi kokaine cila vlente afërsisht 50 mijë euro, si dhe një sasi prej 6750 eurosh. (D.D/Shuplaka)