”Banda e Ersekës” 5 të akuzuar dënohen me 22 vite burg për kultivim droge

Gjykata e Korçës ka dënuar me 22 vite burg në total 5 të akuzuarit për kultivim narkotikësh ose të njohur ndryshe si “Banda e Ersekës”.

Në vendimin e Gjykatës thuhet se “për çështjen me 5 të pandehur, te referuar prej jush si “Banda e Ersekës” ju informoj se sot u shpall vendimi i gjykatës dhe të 5 të pandehurit u gjendën fajtore për konsumimin e veprës penale të “Kultivimit të bimëve narkotike” të kryer në bashkëpunim. Sugjeroj përdorimin e termit ‘grup’ në vend të ‘bandës’, sepse ka tjetër kuptim juridik dhe në këtë rast jemi në formën e thjeshtë të bashkëpunimit”.

Në pretendimet përfundimtare të mbrojtësve u vu theksi tek rrethanat lehtësuese të të pandehurve (gjendja ekonomike, shëndetësore, familjare etj) dhe nga disa prej mbrojtësve u kërkua ndryshim i cilësimit juridik të veprës nga “Kultivim i bimëve narkotike” në “Moskallëzim krimi” (duke pretenduar që fillimisht klientëve të tyre u është thënë se do punonin me bimë medicinale dhe kanë qenë në kushtet e varfërisë ekstreme), por gjykata mbështetur në prova e në ligj dhe tej çdo dyshimi të arsyeshëm arriti në përfundimin se 5 të bashkëpandehurit kanë konsumuar veprën e parë, atë të “Kultivimit të bimëve narkotike”, kryer në bashkëpunim.

EMRAT E PERSONAVE:

-EDMOND GJATA – prokurori kerkoi denimin me 8 vjet burgim – gjykata e denoi me 8 vjet-1/3 = 5 vjet e 4 muaj burgim;

-ASLLAN ZYBA – prokurori 8 vjet burgim – gjykata 7 vjet-1/3 = 4 vjet e 8 muaj burgim;

-ARDIAN DAUTI – prokurori 7 vjet burgim – gjykata 6 vjet-1/3 = 4 vjet burgim

-ADRIATIK BEGAJ -prokurori 6 vjet burgim – gjykata 5 vjet-1/3 = 3 vjet e 4 muaj burgim;

-HASAN HYKA – prokurori 8 vjet burgim – gjykata 7 vjet-1/3 = 4 vjet e 8 muaj burgim.

(E.K/SHUPLAKA)