Forcat Renea, kanë zbarkuar sërish në Shkodër. Burime pranë Policisë së Shtetit bëjnë me dije se forcat Renea kanë mbërritur në Shkodër këtë të premte, në vijim të operacionit kundër paligjshmërisë për të goditur strukturat kriminale në vend.
Burime pranë Renea, bëjnë me dije se në fokus të këtij aksioni janë personat me rrezikshmëri të lartë, persona të shpallur në kërkim dhe që i janë shmangur drejtësisë deri tani.
Nuk ka një fokus të qartë për pozicionimin e forcave Renea në Shkodër, por duke iu referuar po të njëjtave burimeve, aksionet do të jenë të befasishme në vende dhe zona ku ka persona të përfshirë në veprimtari kriminale në Shkodër.
Pritet që në orët në vijim të këtë detaje më të hollësishme rreth këtij aksioni të Forcave Renea dhe Policisë së Shkodrës në qytetin verior, i cili gjatë 2018-ës u cilësua si Palermo e dytë, ndërkohë që gjatë 2019-ës, në heshtje pohohet se ka rënë në “qetësi” dhe po punohet për të arrestuar “kokat” e krimit në Shkodër.
