IKMT-ja ka zbarkuar në Durrës në shtëpinë e ish-deputetes socialiste Esmeralda Shkjau. Kjo pasi deputetja ka ndërtuar një shtesë në katin e 6-të të Pallatit me gjasa pa leje.
Ndërsa ”Shuplaka” mëson se dy kate më poshtë ndodhet dhe banesa ku ajo jeton së bashku me familjen e saj.
Drejtori i inspektoriatit ndërtimor vendor, Artur Çela ka thënë për ‘’Shuplakën” se është bërë verifikimi për objektin në fjalë, dhe brenda pak orësh do të bëhet e ditur edhe vendimi për objektin.
Ndërtimi ndodhet në lagjen numër 1 të qytetit të Durrësit, ndërsa nga momenti në moment pritet të dalin detaje të reja.
Nuk dihet as reagimi i ish-deputetes dhe nëse ajo do të ketë një koment në lidhje me situatën.
(E.K/SHUPLAKA)
