Tërmeti i dy ditëve më parë, ka sjell panik dhe frikë tek qytetarët. Dëmet deri më tani janë të shumta.
Për të folur se sa i përballojnë ndërtimet tërmetet në vend, i ftuar në studion e Faxnews është Erion Softa, inxhinier ndërtimi.
Erion Softa thekson se vijon tërmetet në vend edhe pse në intensitet të lartë.
Softa shprehet se ndërtimet e pas viteve 90’ kanë më pak cilësi.
Gjithashtu Softa thotë se duhet patjetër garanci për banesat.
“Ndërtimet e pas viteve 90’ kanë më pak cilësi. Intensiteti vijon, duhen marrë masa edhe bazike, per të shmangur çdo fatkeqësi.
Duhet të kemi kujdes nga sende e shtuara në banesa, si depozitat e ujit. Gjithashtu duhen projekte dhe analiza inxhinjerike kur bëhen ndërtime.
Softa vë theksin tek garancia dhe ndalimi i menjëhershëm nga policia ndërtimi i banesave nga jo profesionistë.
Gjithashtu, inxhinieri thotë vijojnë rritjet e çmimeve të apartamenteve por cilësia është e ultë dhe duhet të futet koncepeti i ndarjes së godinës në vite.
“Qytetarët duhet të blejnë shtëpi me garanci. Kur blihet banesa mendohet të jetë për gjithë jetën. Garancia duhet të jepet në momentin që blihet dhe të jap një siguri për sa vite mund të rezistojë kjo banesë.
Blejmë shtëpi të shtrenjta, dhe më pas flejmë jashtë nga pasiguria. Duhet të fusim koncpetin e ndarjes së godinës në vite. Ndërtesat e reja duhet të jenë më të sigurta.
Duhen edhe shkallët e emergjencës, që qytetarët të kenë mundësi të dalin jashtë pa u lënduar, dhe pa u penguar nëpër shkallë.
Banesat kthehen patjetër në të banueshme pasi janë dëmtime të lehta. Për pallatet që janë çarë në mes, ka ardhur për shkak të ngjitjeve të pallateve. Por këto duhen parë nga afër.
Shteti duhet të marrë masa që të siguroi qytetarët për të kaluar këtë moment, më pas dduhet të mbledh të gjithë inxhinjerët për të verifikuar problem dhe ti jepet një zgjidhje banorëve.
(K.H/Faxweb.al)
