Banka Botërore ka shfryrë vlerësimet e qeverisë shqiptare për rritjen ekonomike. Në raportin e saj mbi prespektivën e ekonomisë globale, BB thotë se vitin e kaluar rritja ekonomike e Shqipërisë ishte 3.2 për qind, nga 3.5 për qind që është vlerësimi paraprak zyrtar i qeverisë dhe Institutit të Statistikave.
BB ka një vlerësim më të ulët se qeveria edhe për vitin aktual duke parashikuar se rritja ekonomike do të jetë 3.5 për qind, nga 3.8 për qind që thotë qeveria.
Sipas raportit, për rritjen ekonomike të këtij viti, përmirësimin më të fortë krahasuar me vlerësimet parardhëse e ka Maqedonia. Projeksionet për ta janë rritur me 0.4%, për Serbinë me 0.3%, ndërkohë që për Malin e Zi janë ulur me plot 0.7 pikë përqindje.
Për horizontin afatmesëm është Kosova ajo që ka parë përmirësimin më të fortë të prespektivës ekonomisë.
Sipas Bankës Botërore, Kosova, do të jetë ekonomia me rritjen më të shpejtë në rajon jo vetëm përgjatë këtij viti, por edhe përgjatë vitit të ardhshëm dhe vitit 2019, pasi projeksionet janë rritur me 0.5 pikë për 2018 dhe 0.8 pikë për 2019-ën.
(M.D/Shuplaka)
