Në raportin vjetor të 2016-ës, që ka dorëzuar në Kuvend, Banka e Shqipërisë njofton se kartëmonedha më e falsifikuar në tregun shqiptar është prerja 1 mijë lekëshe.
Në raportin në fjalë thuhet se gati gjysma e parave të falsifikuara në vend i përkasin pikërisht prerjes 1 mijë lekëshe dhe rreziku për mashtrim është më i lartë kur bëhet fjalë për këtë prerje.
“Konstatohet se kartëmonedhat e falsifikuara të prerjes 1000 lekë përbëjnë rreth 47% të totalit të kartëmonedhave dhe monedhave të falsifikuara. Më pas renditen monedha metalike 50 lekë me 19% të totalit, si dhe prerjet 500 lekë dhe 2000 lekë me respektivisht 15% dhe 14 % të totalit,” thuhet në raport.
Megjithatë, rreziku nuk paraqitet e njëjtë kur bëhet fjalë për monedhat metalike, por shumë më i lartë.
“Në përgjithësi, krahasuar me sasinë e kartëmonedhave dhe monedhave metalike në qarkullim, kartëmonedha e falsifikuara mbeten në sasi të papërfillshme,”- deklaron BSH. (D.D/Shuplaka)
