VIDEO/ “Do më bie të fikët duke pritur në rradhë”, e moshuara kërkon të marrë pensionin në bankë: Futemi në shtëpi me vrap si miu

Rradhë të gjata janë krijuar para bankave në kryeqytet, ku dhjetra qytetarë po presin për të kryer procedurat e tyre pranë bankave.

Qytetarët shprehen se bankat punojnë me procedurë të ngadalËsuar, dhe kërkojnë që të hapen më shumë pika bankash dhe jo vetëm qendroret.

Një grua e moshuar, thotë për Fax News se kërkon që të marrë pencionin dhe ka me orë të gjata që pret, ndërkohë që shton se Edi Rama nuk e ka zgjidhur si duhet punën e marrjes së pencioneve në bankë.

“Unë jam një pensioniste fëmijët i kam jashtë. Unë nuk di të aplikoj, kam ardhur pa aplikim dhe tani ky nuk më fut se më thotë nuk ke mesazh. Vij për pensionin, Edi Rama nuk e ka zgjidhur mirë këtë punën time për ne që i marrim pensionet në bankë.

Jam e detyruar të rri këtu në rradhë. Jam bërë ujë më djersë do të më bie të fikët, do më çojnë në spital dhe nuk ka kush të më shikojë sepse nuk kam asnjë fëmijë këtu. Po torturohem. Do pres rradhën, por shiko si jam bërë ujë. Nuk di unë të aplikoj dhe shtëpinë e kam në Yzberisht dhe kam ardhur në këmbë. Komshija edhe të ketë nuk vjen, deri tani dalim fshehtas marrim ndonjë gjë dhe hyjmë me vrap si miu brenda.”- tha e moshuara.