Protestës i janë bashkuar dhe banorët e Astirit të cilët protestojnë për më shumë se 130 ditësh për shembjen e banesave të tyre në kuadër të projektit të Unazës së Re.
Me thirrjet “Rama ik” dhe “Sot e kanë në dorë qytetarët” ata kanë nisur marshimin e tyre drejt Kryeministrisë, ndërsa kanë kërkuar dhe përkrahjen e policisë duke ju drejtuar thirrjet: Hiqni kapelet bashkohuni me ne!
Opozita thirri sot një protestë masive ku kërkohet dorëheqja e kryeministrit Rama, ngritja e një qeverie teknike si dhe mbajtja e zgjedhjeve të parakohshme. Liderët e opozitës prej disa javësh janë në protesta të vazhdueshme kundër qeverisë Rama 2 pasi sipas tyre vullneti i votuesve në zgjedhjet e 2017-s është deformuar nga shitblerja e votës. Korrupsioni dhe trafiku i drogës gjithashtu sipas opozitës po e çon vendin në degradim ekonomik dhe social.
