Prej më shumë se tre muajsh banorët e pallatit të kodrës së Shtufit në Gjirokastër janë të rrezikuar në shtëpitë e tyre, pasi pallati rrezikon të shembet për shkak të rrëshqitjes së dherave.
Gazetarja e ‘Fax News’ Ervina Shehaj raporton se ky problem vazhdon të jetë i pazgjidhur dhe situata vazhdon të jetë e vështirë ku tre katet e para të pallatit janë në baltë pasi edhe pse nga autoritetet ishte premtuar se do të largohej dhe se Kodra e Shtufit do të rehabilitohej, kjo nuk ka ndodhur.
Banorët e këtij pallati të cilët disa prej tyre po jetojnë me qera, janë të lodhur nga situata e krijuar dhe kanë kërkuar takim me prefektin e Gjirokastrës.
Ndërkohë edhe rruga sipër pallatit është jofunksionale. Pallati 8 katësh, nëse nuk ndërhyhet rrezikon të shembet, duke rrezikuar gjithashtu edhe jetën e këtyre banorëve të cilët prej muaj kërkojnë një zgjidhje përfundimtare.
(B.H/Faxweb)
Discussion about this post