Sot pati një akuzë shumë të fortë të kryeprokurorit Adriatik Llalla ndaj ambasadorit amerikan Donald Lu. Ajo lidhej me shantazhin për të bllokuar nga prokuroria hetimet për kompaninë ”Bankers Petroleum”.
Por menjëherë pas kësaj banorët e Zharrëzës, ku vepron ”Bankers Petroleum” kanë një mesazh për kompaninë, ambasadorin Lu dhe kryeministrin Edi Rama. Video-mesazhin e kanë dërguar te ”Nisma Thurje”. Kjo zonë, ku kompania punon për nxjerrjen e naftës disa javë më parë u trondit nga tërmetet.
”Këtu ndodhemi në shtëpinë e fshatit që është shkatërruar nga kompania ”Bankers”. Shikoni si është bërë shtëpia. A është e banueshme më kjo shtëpi?!
Nëse është e banueshme kjo shtëpi që ta vërtetojnë ambasadori Lu dhe kryeministri, të vijnë dhe të jetojnë këtu në shtëpinë tonë. Shikoni si është bërë shtëpia. Është shkatërruar komplet! Kjo shtëpi është më e banueshme?!
Shikoni…mund të kaloni dhe këtej. Shikoni këtë këtu…a është më e banueshme?!”, thotë i dëshpëruar banori, duke treguar gjithë shtëpinë me mure të çara.
Edhe pse iu premtua se brenda datës 31 Janar ata do të merrnin një raport për dëmin dhe sasinë e dëmshpërblimit nga komisioni i drejtuar nga Niko Peleshi, asgjë nuk ka ndodhur.
Askush nuk u ka shkuar në shtëpi dhe askush nuk i ka informuar më se çfarë do të bëhet me ta ndërkohë që jetojnë në shtëpi të cilat rrezikohet të shemben nga momenti në moment.
Zona e Zharrëzës është tronditur shpesh nga tërmete, për të cilat ekspertët dyshojnë se mund të jenë natyrale./SHUPLAKA
Discussion about this post