Marshimit të tyre të nisur nga banesat në orët e para të mëngjesit të sotëm, u ka ardhur fundi. Banorët e Verrisë kanë mbërritur përpara godinës së Bashkisë së Fierit, ku kërkojnë që të takohen me kryebashkiakun Armando Subashi.
“Sovrani thotë “Jo” plehra në Myzeqe. Kërkesa jonë e pangegociueshme, jo impiant plehrash në Verri. Duam të takojmë kreun e Bashkisë.”, janë shprehur ndër të tjera banorët e fshatrave Verri dhe Kallm të mbledhur përpara bashkisë.
Ata janë ndaluar nga policia, efektivët që janë vendosur resht për të ndaluar hyrjen e tyre në ambientet bashkisë. Në videon e “Nisma Thurje” shihet se si në një moment, një përfaqësuesi të medias i kërkohet të ndalojë transmetimin e situatës.
Debati mes përfaqësuesit të medias dhe të ngarkuarit të bashkisë:
Andej andej
-Jam media. Pse andej?
-Andej”, -Pse andej? Pse prek me dorë?
-Kalo andej
-Pse shtyn? Pse shtyn zotëri?
-Nuk po të shtyj more, më jep dokumentin që je media
(XH.A/SHUPLAKA)
Discussion about this post