Banori përgënjeshtron Subashin: Toka ku do ndërtohet incineratori nuk është e Vrionëve, por e imja (VIDEO)

Në lidhje me pronësinë e tokës ku do të ndërtohet incineratori ka dalë një tjetër banor që pretendon se është pronar.

Kadri Metushi, nga fshati Vajkan në Fier, deklaron se familja e tij është pronarja reale e ngastrës së tokës ku do të ndërtohet incerenatori.

Sipas Metushit, familja Vrioni, e cila u përmend dje nga ana e kreut të Bashkisë së Fierit, Armando Subashi, nuk mund të jetë pronarja e kësaj toke, pasi familja e tij është pronarja legjitime.

Kadri Metushi shprehet se pala tjetër mund të ketë falsifikuar dokumentet, pasi sipas tij, janë trashegimtarët e vetëm të tokës dhe se e kanë rifituar të drejtën në vitin 1994.

Nga ana tjetër pak kohë para zgjedhjeve Subashi jepte garancinë e tij për banorët se nuk do të ndërtohej asgjë pa miratimin e tyre.

(E.K/FAXWEB)

https://www.youtube.com/watch?v=PkObdFCZiSo&feature=youtu.be